Toshkent, O‘zbekiston (UzDaily.uz) — 30 mart kuni Andijon viloyatida yo‘l-transport hodisasi sodir bo‘ldi, unda Cobalt rusumli avtomashina haydovchisi yosh piyodani urib ketdi. Bu haqda viloyat YHXB maʼlum qildi.

Hodisa Xo‘jaobod tumanidagi A-373 yo‘lida sodir bo‘lgan. 16 yoshli o‘smir svetoforning yashil chirog‘i yonib turgan paytda tartibga solingan piyodalar o‘tish yo‘lagidan o‘tayotganda Cobalt uni urib ketgan.

Natijada jabrlangan o‘smir turli jarohatlar bilan kasalxonaga yotqizildi.

Huquq-tartibot idoralari mazkur YTH bo‘yicha surishtiruv ishlarini olib bormoqda.